الفاتح: أفلام الكرتون :)

بعد المشاكل الى ظهرت فى الفترة الاخيرة من بعض القنوات الكارتونية ومع حب اولادنا وانجذابهم ليها عشان الالوان الجذابة بتاعتهم و الجرافيكس
كان فى بحث متواضع جدا انا عملتو و حبيت نشارك بعض فيه

اعدت ادور على كارتونات و حاولت اراعى فيه المعايير الاتية

اولا انو يخلو من الموسيقى تماما و ارجو من اخواتنا المختلفين معايا فى النقطة دى انها متبئاش محور جدل او نقاش و و الله مبحجر على رأى حد بس انا من الناس الى انتى ميوزيك و كلامى مستند على ادلة شرعية و ناس كتير كدا فارجو اننا نتجاوز النقطة دى
و دا الى ارتضيه لنفسى و لابنى

ثانيا المحتوى بتاعها يكون تعليمى و فيه قدر من الاداب الاسلامية

اخيرا الجرافيكس و الالوان بتاعت الكارتون انها تكون حلوة و تشد الاطفال بس للاسف الكارتونات الى انا جايباها بتتفاوت فى النقطة دى من الممتاز الى الأسئ للاسف و لكن دا الى انا لئيتو فسامحونى و مع ذلك الكارتونات فيها احداث تاريخية مهمة جدا ممكن احنا نفسنا منبئاش عارفينها ابل ولادنا

ملاحظة اخيرة انا طبعا جايبا كارتونات فيها احداث تاريخية و فيها احكام من القرءان الكريم فبعتذر عن اى خطأ تاريخى او عقدى ممكن يكون موجود بس دا الى ادرت اتوصل ليه